Сумдыг улсын бүртгэлийн нэгдсэн сүлжээнд холбох ажил хийгдэж байна

Улсын бүртгэлийн ерөнхий газрын үйл ажиллагааний төлөвлөгөө, хэлтсийн даргын үр дүнгийн гэрээнд тусгагдсан тусгай ажил болох сумдыг бүртгэлийн нэгдсэн онлайн сүлжээнд холбох ажлыг "Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох" төслийн хүрээнд Азийн хөгжлийн банкны санхүүжилтээр тус аймгийн Тайшир, Халиун, Цээл, Цогт, Чандмань, Эрдэнэ, Бигэр сумдыг 2019.08.23-2019.08.30-ны хооронд амжилттай хийж гүйцэтгэлээ. Холболтын ажлыг УБЕГ-ын Мэдээлэл технологийн газрын инженер Н.Гансүх, хэлтсийн мэдээлэл технологийн ажилтан Э.Баатарсүрэн нар хийж гүйцэтгэлээ. Ингэснээр Говь-Алтай аймгийн хэмжээнд 7 сум бүртгэлийн нэгдсэн сүлжээнд холбогдож, сумын иргэд бүртгэлийн үйлчилгээг түргэн шуурхай авах боломж бүрдлээ.

Тус хэлтэст "АРХИГҮЙ ОРЧИН-АРХИДАН СОГТУУРАХЫН ЭСРЭГ ХАМТДАА" АЯНЫ ТУГИЙГ 2019.06.10-2019.06.17-НЫ ӨДРҮҮДЭД АЯЛУУЛЖ ДАРААГИЙН БАЙГУУЛЛАГАД ШИЛЖҮҮЛЭН ӨГЛӨӨ

Аймгийн Иргэдийн Төлөөлөгчдийн Хурлын Тэргүүлэгчдийн 2018 оны 44 дүгээр тогтоолоор батлагдсан "Архигүй-Алтайчууд" хөтөлбөрийн хэрэгжүүлэх ажлын хүрээнд "АРХИГҮЙ ОРЧИН-АРХИДАН СОГТУУРАХЫН ЭСРЭГ ХАМТДАА" уриан дор байгууллага, аж ахуй нэгжид туг, дэвтэр аялуулах шийдвэр гарсаны дагуу аймгийн Татварын хэлтсээс хүлээн авч тус хэлтэст  2019.06.10-2019.06.17-ны өдрүүдэд аялуулж дараагийн байгууллагад шилжүүлэн өглөө. Туг, дэвтэр аялах хугацаанд төлөвлөгөөний дагуу дараах арга хэмжээнүүдийг авч ажиллалаа.

Наро Банчэн Данзанлхүндүв гэгээнтэн Алтай хотод

Аймгийн сүм хийд, сүсэгтэн олон номын заллага айлтгасны дагуу Наро Банчэн Данзанлхүндүв гэгээнтэн Алтай хотод 6 дугаар сарын 9-11-ний өдрүүдэд морилон саатаж байна. Гэгээнтэн Дашпэлжээлин хийдийн болон дагалдан яваа лам хуваргуудын хамтаар цогчин хурал хурж мөн “Хүний үнэт зүйл ба түүнийг хэрхэн олохуй” сэдэвт лекцээ Алтай нутгийн зон олонд уншилаа.

БИДЭНТЭЙ ХАРИЛЦАХ

Улсын бүртгэлийн хэлтсийн контор Алтай хот, Есөнбулаг сум, аймгийн ЗДТГ-ын III байр, 2 давхар

Утас : 90484103 

 

Ажлын цаг : Даваа - Баасан гариг, 9.00 - 18.00 цаг Бямба, Ням амарна. 

И-мэйл хаяг : govi-altai@burtgel.gov.mn

Вэб сайт : http://burtgel.go.gov.mn/

Фэйсбүүк хаяг: Govi-Altai aimgiin ulsiin burtgeliin heltes