2020 оны 01 сарын 14-ны өдөр хэлтсээс сумдын улсын бүртгэгч нарт онлайн хурал зохион байгуулж хурлаар иргэн, эд хөрөнгө, хуулийн этгээдийн талаар болон ХАСХОМ,  2 сарын 1-ний өдрөөр шилжилт хөдөлгөөн түр зогсоохтой холбогдуулсан яаралтай арга хэмжээ авах талаар мэдээлэл хийж тулгамдаж буй асуудлыг газар дээр нь шийдвэрлэлээ.

Тус хэлтсийн Иргэний бүртгэлийн тасгийн дарга, улсын ахлах бүртгэгч Я.Арвижих нь Төрийн байгууллагад 30 жил тасралдгүй ажилласан бөгөөд Улсын бүртгэлийн салбартаа нийт 20 гаруй жил ажилласан хөдөлмөрийг нь төр үнэлж Төрийн дээд одон медаль болох "Алтан гадас одон"-оор шагнагдлаа. Мөр зэрэгцэн ажиллаж байгаа хамт олноос нь Я.Арвижихдаа шагнагдсан явдалд нь баяр хүргэж, цаашдын ажил, амьдралд нь аз жаргал хүсье.