Аймгийн Иргэдийн Төлөөлөгчдийн Хурлын Тэргүүлэгчдийн 2018 оны 44 дүгээр тогтоолоор батлагдсан "Архигүй-Алтайчууд" хөтөлбөрийн хэрэгжүүлэх ажлын хүрээнд "АРХИГҮЙ ОРЧИН-АРХИДАН СОГТУУРАХЫН ЭСРЭГ ХАМТДАА" уриан дор байгууллага, аж ахуй нэгжид туг, дэвтэр аялуулах шийдвэр гарсаны дагуу аймгийн Татварын хэлтсээс хүлээн авч тус хэлтэст 2019.06.10-2019.06.17-ны өдрүүдэд аялуулж дараагийн байгууллагад шилжүүлэн өглөө. Туг, дэвтэр аялах хугацаанд төлөвлөгөөний дагуу дараах арга хэмжээнүүдийг авч ажиллалаа.
- Уг арга хэмжээний дагуу хэлтсээс төлөвлөгөө боловсруулан хэлтсийн даргаар батлууллаа.
- Туг дэвтэр аялах хугацаанд архинаас хамааралтай 1 иргэнийг хүлээн авч бичиг баримтжуулах ажлыг зохион байгууллаа.
- Сургалт сурталчилгаа:
- УБЕГ-аас Нийслэлийн прокурорын газрын хяналтын прокурор Р.Батнасан “Гэр бүлийн хүчирхийлэл, гэмт хэргээс урьдчилан сэргийлэх чиглэлээр” сургалт хийлээ.
- Хэлтсийн албан хаагчдад аймгийн прокурорын газрын хяналтын прокурор н.Мөнхбат “Архидан согтуурахын хор уршиг болон, архинаас үүдэлтэй гэмт хэргээс урьдчилан сэргийлэх” чиглэлээр мэдээлэл өглөө. Нийт хэлтсийн 16 албан хаагч хамрагдсан.
- Сумдын улсын бүртгэгч нарт “Архидан согтуурахын хор уршиг болон, архинаас үүдэлтэй гэмт хэргээс урьдчилан сэргийлэх” чиглэлээр онлайн сургалтыг зохион байгууллаа. Сургалтанд нийт 35 албан хаагч хамрагдсан болно.
- Аймгийн Цагдаагийн газрын хошууч Болормаагаас архины хор уршиг, гэмт хэргээс урьдчилан сэргийлэх талаар мэдээлэл болон гарын авлага материал авч олшруулан иргэдэд тараасан бөгөөд мэдээллийн самбарт байршуулж иргэдэд сурталчилан ажиллалаа.
- “Архигүй-Алтайчууд” хөтөлбөрийг хэрэгжүүлэх ажлын хүрээнд хийсэн ажлынхаа мэдээллийг аймгийн Засаг даргын Тамгын газрын govi-altai.gov.mn, хэлтсийн www.burtgel.go.gov.mn цахим хуудас болон хэвлэл мэдээллийн хэрэгслээр олон нийтэд сурталчлан ажиллалаа.